影片
更多
2023-05-27
217 浏览
荔枝角億利不嬲都多好野食，今日試左一樓嘅泰國菜金亞淶，呢度嘅泰菜好正宗又抵食，份量又多又好味，CP值爆曬燈。食食下見到隔離枱個火山骨都勁吸引，下次要黎試下先得。🎃南瓜咖喱海鮮+蒜茸包 $168+15咖哩海鮮係原個南瓜盅咁上，海鮮有青口、蝦、魷魚、魚柳，加埋有粒粒南瓜嘅濃郁咖喱，食落好鮮甜美味，用蒜茸包去點個咖喱吸晒味好正，食到最後再食埋南瓜盅嘅南瓜同樣係咁鮮甜🍤泰式蝦餅 4件 $68呢個蝦餅好足料超大舊，而家炸完入面都仲好juicy，口感彈牙仲保持到蝦嘅鮮味，點埋泰式辣醬一流🥬泰式炒通菜 $48呢碟通菜好有驚喜，炒得超級香，充滿辣椒蒜茸同埋豆豉嘅香味，真係每一啖都咁惹味🐖泰式肉碎生菜包 $68豬肉碎非常有肉汁，味道上酸酸辣辣咁，夾埋新鮮生菜食非常開胃🥥椰皇三重奏（特別版） $38呢個甜品不得了，今日係特別版原個椰皇咁上，上層有椰絲，中層嘅椰奶勁香，底層用椰清水做嘅啫喱好清新，最後食埋邊邊嘅椰肉好香甜🥤飲品方面叫左泰式龍眼水$20同椰汁涼粉冰$18，兩杯飲品都好清新解膩
荔枝角億利不嬲都多好野食，今日試左一樓嘅泰國菜金亞淶，呢度嘅泰菜好正宗又抵食，份量又多又好味，CP值爆曬燈。食食下見到隔離枱個火山骨都勁吸引，下次要黎試下先得。
🎃南瓜咖喱海鮮+蒜茸包 $168+15
咖哩海鮮係原個南瓜盅咁上，海鮮有青口、蝦、魷魚、魚柳，加埋有粒粒南瓜嘅濃郁咖喱，食落好鮮甜美味，用蒜茸包去點個咖喱吸晒味好正，食到最後再食埋南瓜盅嘅南瓜同樣係咁鮮甜
🍤泰式蝦餅 4件 $68
呢個蝦餅好足料超大舊，而家炸完入面都仲好juicy，口感彈牙仲保持到蝦嘅鮮味，點埋泰式辣醬一流
🥬泰式炒通菜 $48
呢碟通菜好有驚喜，炒得超級香，充滿辣椒蒜茸同埋豆豉嘅香味，真係每一啖都咁惹味
🐖泰式肉碎生菜包 $68
豬肉碎非常有肉汁，味道上酸酸辣辣咁，夾埋新鮮生菜食非常開胃
🥥椰皇三重奏（特別版） $38
呢個甜品不得了，今日係特別版原個椰皇咁上，上層有椰絲，中層嘅椰奶勁香，底層用椰清水做嘅啫喱好清新，最後食埋邊邊嘅椰肉好香甜
🥤飲品方面叫左泰式龍眼水$20同椰汁涼粉冰$18，兩杯飲品都好清新解膩
张贴
