立鮨 (金馬倫廣場)

星期六同女朋友拍完拖，由於琴日食完啲重口味野，我地都心有靈犀地想食翻清淡少少。所以好有默契咁去左我地經常去嘅立鮨。雖然呢到要企係到食，但可以用到好親民嘅價格食到高檔嘅食材，絕對係出得廳堂又錫住銀包！

大吞拿魚腩壽司：極之肥美，入口即溶，油脂十足，一口下去，我地每人都忍唔住再點多幾件！

大吞拿魚腩壽司

$48

鰻魚壽司：真係可一可再，單睇厚度就可以想像放入口中嘅滿足感，加上舊鰻魚仲多過飯，食呢舊仲爽過吃一碗鰻魚飯。

三文魚籽軍艦：都算係賣點，滿到跌出軍艦外面🤤 一啖啪落去，三文魚籽係口中爆開的感覺，超級滿足！

三文魚籽軍艦

$20

店面麻雀雖小，但五臟俱全，雖然係企係到食但是一啲都唔覺得擁擠，茶水醬油位置都整齊擺放，俾我哋可以好好享受一下立食文化。


‼️推薦必吃單品
1⃣️火炙大吞拿魚腩海苔壽司
2⃣️鰻魚壽司
3⃣️三文魚籽軍艦


而家消費滿 $500仲會 有$100優惠啊！