鉄火堂 (已結業)

🔆CP值極高的魚生專門店 又睇又食至抵之選🔆🎏原來喺尖沙咀都可以搵到日本先睇到嘅魚生即場劏魚表演🐟🥇鉄火堂🥇😲第一次喺香港可以咁近距離睇到一條咁巨型嘅7kg原條藍旗吞拿魚，真心覺得有啲surprise... 原來吞拿魚又名為金槍魚，肉色為紅色，而魚腹嘅部份則名為拖羅。呢間舖頭原來會定期上演劏魚表演，佢哋仲會即劏即食，好新鮮咁🙊🔪今日咁岩見到劏魚表演，自然就停低咗腳步喺首都廣場地下嗰間鉄火堂🔥入到去先知道原來佢哋呢一間舖只係外賣或者立食，如果想坐低食就要去佢哋其他嘅舖頭。👍🏻認真第一次咁近距離可以睇到吞拿魚魚腹拖羅位置嘅分佈，原來條魚同一個橫切面可以分咁多個部位。🙈🎣今次見到啲魚生咁新鮮，當然要試試佢，分別是咗佢哋嘅50g大拖羅、50g中拖羅同埋佢哋嘅拖羅壽司盛盒。🍣👐🏻個人覺得，大拖羅比較肥美，由於係魚腩最前嘅位置，油分自然分佈得多，但筋位亦都會相對地多，所以比較咬口。而中拖羅油分相對適中亦都無筋，味道比較濃郁，所以個人來講我會比較鍾意中拖羅嘅刺身🌟大家經過尖沙咀呢間舖頭，不妨可以停低腳步睇吓佢哋表演，佢哋係會定期上演劏魚表演，記得要睇啱時間先過去，仲可以食埋佢哋即劏即賣嘅魚生🤪Yum