回到味來 (已結業)

CP值極高的雞煲火鍋放題作為雞煲控，經朋友介紹呢個回到味回，當然要去試一試😋係好抵食嘅半放題套餐，有雞煲，有火鍋、海鮮拼盤、任食火鍋配料、任飲汽水，連晚餐時段都係$248/位👍🏻首先，店員送來調料架，等你可以調配好醬料。😋首先來雞煲先，招牌惡魔雞煲係任食嘅！四個人先來一隻份量 ，由於有人唔食得太辣，所以叫咗bb辣。呢度嘅雞煲簡單得多，上菜後煮多分零鐘就食得。打開蓋，香氣即時四溢，令人食指大動。佢用左蔥頭、蒜頭、紫洋蔥、芫茜、辣椒、八角、豆蒄、薑、香葉去炒香，所以好香好惹味。最重要雞件嫩滑，肉味香濃，有好多汁去撈，所以真係好好味，我們追加多一隻雞。之後，每人會有一隻金蒜咸蛋蒸扇貝，微香嘅咸蛋味配扇貝真係第一次。扇貝鮮甜彈牙，好味！之後就係火鍋時間,每台會送本地手切牛脊肉和海鮮拼盤，呢2個唔係任食架。🥢海鮮拼盤有鮑魚、海蝦、蟶子、馬刀貝、黃蜆和海蜆。海鮮夠新鮮，味道鮮甜🥢本地手切牛脊真心全晚個高潮，勁重牛肉味，而且好嫩滑。之後，仲有好多火鍋的配料，基本你想食的都有。以$248呢個價錢，有甘多類型的享受，係超值。