Cambo ขุนทอง (The ONE)

星期一与朋友在尖沙咀小聚. 试咗呢间位于The One商场内嘅泰国菜, 相当唔错,要介绍俾大家一试!泰国菜嘅头盘当然唔少得沙爹串烧. Cambo 嘅串烧香嫩多汁, 而且有猪牛鸡肉选择. 啱晒选择性困难嘅朋友. 配上香浓嘅沙爹酱, Cambo嘅沙爹串烧绝对有水准!泰式料理当然唔少得泰式炒面啦! 而泰式炒面亦系我嘅最爱. Cambo嘅泰式炒面相当正宗. 泰式炒河粉配上九层塔, 花生碎, 新鲜嘅青柠汁, 酱汁酸甜带微微辣, 我觉得Cambo嘅Pad Thai 相绝对合格以上! 除咗泰式炒面外, 嚟到泰式餐厅当然唔少得泰式咖哩啦! 而我地都试咗Cambo嘅招牌菜 - 青咖哩软壳蟹配法式长面包.出边茶记嘅泰式青咖哩唔系椰汁味唔够香,就系太辣. 而Cambo嘅青咖哩唔单止椰汁香浓, 辣味亦唔系太过份,啱啱好迎合香港人口味. 而青咖哩嘅配料有茄子薯仔等等,相当足料!软壳蟹配上青咖哩虽然系fusion菜式, 但苏炸嘅软壳蟹啖啖肉,香脆可口. 再加上新鲜嘅法式长包配上青咖哩汁, 真系十分之幸福呢! 而食完3道较浓味嘅菜式, 最后一道泰式炒通菜相当清爽. 泰式炒法, 少少辣又唔会过浓, 简简单单一道炒青菜