平成二十二日本料理 (已結業)

早前聽過朋友介紹食呢間既放題，話抵食又正！琴晚終於試左確實，CP值好高！兩個人食，送左一板海膽，雖然唔係特別大塊，勝在夠鮮甜，而且配埋紫菜食真係特別滋味，兩個人真係會膩！特大甘海老，好大隻！！！好鮮甜，肉質口感好，肯定係新鮮野。三文魚好甘香，一食落口魚油就滲左出黎帶子大大粒，都鮮甜，仲有新鮮到岸象拔蚌！！！都好鮮甜，唔腥，又爽口新鮮刺身做得幾出色燒物就食左鹽燒牛舌，仲有鹽燒雞翼，唔會偏咸偏熟，好juicy同埋口感好，牛舌出期地軟身好嚼，又幾入味，抵讚重頭戲係任點既香煎鵝肝，唔係講笑，好少放題有鵝肝。😂通常係酒店先有～ 大大塊，一樣煎得好好，一食d油又就滲到成個口都係，好甘香，真係好抵食！花之戀和霜降牛肉sushi就中規中矩，都值得試的！今餐比較油膩，所以都點左日本蕃茄食，好清新，個人都無咁滯其實都算多野食，品質唔錯，服務都好，有鵝肝象拔蚌真係讚！