殿·大喜屋

营业中

休息中

呢日來到帝京酒店食日式放題，想講呢間係我最近食過最吸引cp值最高的一間！環境係酒店入面座得舒服富麗堂皇唔需要多講，食物飲品生果簡直多不勝數，淨係食自助區其實已經夠晒飽🤣價錢真係一啲都唔貴，難怪平日八點幾之後依然座無虛席，出面排隊人山人海🤣.先講下自助區！野飲已經多到不得了，茶飲汽水果汁咖啡必有，竟然珍珠奶茶港式奶茶都有！果汁酒啤酒梅酒冷熱清酒白酒紅酒全部都齊😍熟食、冷盤、生果、海鮮、沙律、甜品、雪糕種類超級多，最正任食榴連蓉和Haagen daz 和movenpick雪糕！.來放題緊係要食壽司刺身！係坐位用qr code落單就可以，刺身全部肥美鮮甜，壽司種類好多，最正係所有海膽菜式都使用北海道海膽超級好味😋仲有生蝦刺身，燒蠔勁鮮味加咗蒜同辣好惹味🌶️ 鵝肝好厚身，牛仔粒有咬口牛味香濃黑椒口味，仲有三色椒同洋蔥🧅芝士年糕大大件煙煙韌韌好好食😋仲有榴槤炸彈超正，榴槤控來呢間岩哂！.其實仲有好多野食多到不能盡錄，已經plan緊過兩個月帶埋屋企人來再食！真心酒店級數食物普通放題價錢，難怪咁多人等位👍🏻