影片
更多
2023-01-12
41 浏览
勁耐無食燒肉，竟然俾我發現到呢間cp值勁高嘅餐廳首先就講下佢哋最岀名嘅和牛，我就嗌咗壽喜燒和牛同埋和牛吐司，講下壽喜燒和牛先，職員準備咗三塊靚和牛片然後即場用火槍燒，再加上特調壽喜燒汁，最後半熟既和牛會配返一小碗白飯。和牛既質量超好，火灼後口感都極佳，壽喜燒汁嗰味道唔會太重但係提高左和牛既鮮味。然後就係重點推介既和牛吐司，呢份真係必點，吐司餡係炸厚切和牛排，入口就有濃郁既肉味，吐司有香濃既牛油香同好鬆脆，每一啖都好深刻😂，必食！燒肉方面我點左豬頸肉，柚子雞塊，西班牙豬，五花肉。豬頸肉醃得好入味，就咁燒完都好好味，口感又好。至於西班牙豬都好新鮮，都係輕輕醃製過，味道剛剛好唔需要加醬料都好好味。五花肉就比較重味，入口有比較重既蜜糖味，食落甜甜的，好滋味。柚子雞塊既柚子味唔會太重，感覺啱啱好，食落好清新又係唔需要點任何醬料🤍而呢間都有好多特色既丼飯，我就選擇左紫菜月見丼。係由一碗白飯上面鋪左滿滿的紫菜同一粒生既蛋黃。呢碗飯同啲燒肉真係好夾，就算蛋黃撈完飯之後，啲紫菜都仲係好鬆脆，而且完全冇生蛋既腥味，所以本身麻麻生蛋既我都成碗食晒！小食方面，包括一份牛油果沙律，啲菜好新鮮，配啲沙律醬都好開胃
首先就講下佢哋最岀名嘅和牛，我就嗌咗壽喜燒和牛同埋和牛吐司，
講下壽喜燒和牛先，職員準備咗三塊靚和牛片然後即場用火槍燒，再加上特調壽喜燒汁，最後半熟既和牛會配返一小碗白飯。和牛既質量超好，火灼後口感都極佳，壽喜燒汁嗰味道唔會太重但係提高左和牛既鮮味。
然後就係重點推介既和牛吐司，呢份真係必點，吐司餡係炸厚切和牛排，入口就有濃郁既肉味，吐司有香濃既牛油香同好鬆脆，每一啖都好深刻😂，必食！
燒肉方面我點左豬頸肉，柚子雞塊，西班牙豬，五花肉。豬頸肉醃得好入味，就咁燒完都好好味，口感又好。至於西班牙豬都好新鮮，都係輕輕醃製過，味道剛剛好唔需要加醬料都好好味。五花肉就比較重味，入口有比較重既蜜糖味，食落甜甜的，好滋味。柚子雞塊既柚子味唔會太重，感覺啱啱好，食落好清新又係唔需要點任何醬料🤍
而呢間都有好多特色既丼飯，我就選擇左紫菜月見丼。係由一碗白飯上面鋪左滿滿的紫菜同一粒生既蛋黃。呢碗飯同啲燒肉真係好夾，就算蛋黃撈完飯之後，啲紫菜都仲係好鬆脆，而且完全冇生蛋既腥味，所以本身麻麻生蛋既我都成碗食晒！
小食方面，包括一份牛油果沙律，啲菜好新鮮，配啲沙律醬都好開胃。另外都有點到雞皮餃子，又係另一份必點小食，炸得十分鬆脆。最後仲有魚干，味道都唔錯，整得幾好，鍾意食魚干既朋友可以試試。
開頭以為價錢咁平，應該會嗌好多碟先飽，點知 飽到捧住個肚走🤤🤤CP值真係超高，以後同朋友又多個聚腳點🥳🥳
张贴
