影片
更多
2017-04-15
703 浏览
大埔出咗名都多嘢食，但係原來都有一間食物質素高，服務態度又好嘅Cafe餐廳喺太和附近，你又知唔知呢！係門面望入去，其實都有種cafe餐廳嘅感覺，有一種覺得坐低可以舒舒服服食嘢，傾吓計嘅餐廳👍🏿當晚小編同友人其實訂咗七點半鐘嘅枱，不過我哋七點就到左，但餐廳亦都好好咁可以好快安排張枱比我地，呢度除咗要講聲多謝，另外都要讚一讚佢哋嘅服務👍🏿上面張圖片係大約7:10嘅時候影嘅，其實大約到咗八點鐘，餐廳都已經坐滿晒人了！所以如果大家真係想食，就建議一定要book位🤤本Menu做得好靚呀，未睇入面之前，小編亦都希望提提大家，呢間餐廳嘅開門時間係12點，設有加一服務費，而餐廳亦都有最低消費，並且用餐時間為1.5小時👍🏿呢一版係小食嘅種類，種類都幾多選擇👍🏿呢一版係意大利面嘅種類，大家一陣就可以睇到，其實相片同實物係差唔多👍🏿全部睇落都好靚，好想食🤤不過由於相片量存放有限，所以好難每一頁都影俾大家睇，不過每版嘅結構同埋設計都差唔多，見到就算係menu，都會好俾心機咁去提供比客人~~呢一版亦都係其中一班嘅飲品，我影呢版嘅原因係因為見到佢有啲好特別嘅熱飲提供，就係左手邊嘅奶類飲品，見到餐廳會專登喺上邊拉花
係門面望入去，其實都有種cafe餐廳嘅感覺，有一種覺得坐低可以舒舒服服食嘢，傾吓計嘅餐廳👍🏿
當晚小編同友人其實訂咗七點半鐘嘅枱，不過我哋七點就到左，但餐廳亦都好好咁可以好快安排張枱比我地，呢度除咗要講聲多謝，另外都要讚一讚佢哋嘅服務👍🏿上面張圖片係大約7:10嘅時候影嘅，其實大約到咗八點鐘，餐廳都已經坐滿晒人了！所以如果大家真係想食，就建議一定要book位🤤
本Menu做得好靚呀，未睇入面之前，小編亦都希望提提大家，呢間餐廳嘅開門時間係12點，設有加一服務費，而餐廳亦都有最低消費，並且用餐時間為1.5小時👍🏿
呢一版係小食嘅種類，種類都幾多選擇👍🏿
呢一版係意大利面嘅種類，大家一陣就可以睇到，其實相片同實物係差唔多👍🏿全部睇落都好靚，好想食🤤不過由於相片量存放有限，所以好難每一頁都影俾大家睇，不過每版嘅結構同埋設計都差唔多，見到就算係menu，都會好俾心機咁去提供比客人~~
呢一版亦都係其中一班嘅飲品，我影呢版嘅原因係因為見到佢有啲好特別嘅熱飲提供，就係左手邊嘅奶類飲品，見到餐廳會專登喺上邊拉花，或者做一啲一啲同埋卡通人物嘅圖案，呢個真係男女老少都啱，呢種感覺甚至乎真係好適合幾個人坐低， 叫杯靚靚嘅飲品傾吓計👍🏿👍🏿
31 浏览
0 赞好
0 留言
嘢食嚟啦，第一個就係呢個小食，芝士紫菜雞翼，佢係一個新出嘅菜式，所以小編都希望試一試。呢個雞翼主要係用上芝士粉同紫菜粉去用作調味，食落口感係，雞翼肉質唔會整到太硬，而帶同面頭上，濃厚嘅芝士粉味，個感覺唔錯，不過如果佢係用成塊芝士咁樣鋪喺上邊，可能就再好啲添🙈
22 浏览
0 赞好
0 留言
同系小食之一嘅雙重芝士焗薯條，佢嘅分數其實比岩岩嘅雞翼為高，可能因為相對比較簡單，薯條亦都得出雙重芝士嘅濃口味道，趁熱食，感覺好正，直頭食到停唔到口🤤餐廳亦都好細心咁提供兩包茄汁比客人使用，照顧唔同客人嘅需要👍🏿
19 浏览
0 赞好
0 留言
主菜嚟啦，呢個意粉同佢本身係Menu上面嘅賣相差唔多，佢嘅份量適中，雞扒亦都唔會太細塊。味道方面，雞扒香煎得好好食，味道唔會太濃，但係可以講係外脆內軟，一切開，入邊仍然有雞肉汁流出。意粉方面，佢整得好juicy，唔會乾爭爭，帶有有少少酒香味，配埋洋蔥及菇呢啲嘅配料，成件事口感好好，重點係唔會太heavy👍🏿👍🏿
24 浏览
0 赞好
0 留言
當晚小編同友人就叫咗一紅一白嘅意粉，呢個番茄汁嘅意粉都唔錯，食落感覺唔係只係用茄膏來做個醬汁，由於蕃茄嘅關係，所以呢個比起頭先雞扒嗰個意粉更juicy。而茄汁嘅味道唔會偏甜或者偏酸，啱啱好！另外，石斑亦都經過特別處理，經過香煎同調味，肉質嫩口，唔會帶有魚腥味。
重點係，餐廳亦都好細心咁選擇無骨嘅部份比客人，絕對值得加分！
22 浏览
0 赞好
0 留言
呢度嘅甜品亦都相當出色，餐廳嘅甜品已窩夫為主，大家可以睇睇佢哋窩夫嘅質素係非常高，雖然價錢相對比較貴，但係分量亦都係成正比嘅！
味道當然係重點，窩夫相機每一粒士多啤梨都唔酸，都係鮮甜既，相反中間嘅士多啤梨雪糕球，就大有一點點嘅酸味，可能作用係希望平衡返成個甜品👍🏿
窩夫方面，我餐廳整得外脆內軟，上枱時，窩夫餅仍然係熱熱地，所以亦都好容易將佢哋切開，你自己嘅窩夫，配上冰凍嘅雪糕球，冰火合一，完全做到雪糕窩夫嘅最高境界！
另外餐廳亦都提供朱古力，香蕉，抹茶等等嘅雪糕窩夫款式提供，真係我講幾多都冇用，希望大家都可以試一試！😋😋
總結係，呢間野CP值極高，位置都算方便，店員嘅服務態度亦都好好，食過返尋味，坐得舒舒服服，平均每個人嘅價錢大約＄200內，加加埋埋所有野，性價比真係高嘅👍🏿👍🏿
张贴
