敏華冰廳 (T Town South)

营业中

休息中

嗌咗個蔥油豬扒煎蛋飯，豬扒鞋都似毛巾，太乾身，入口好鞋，蔥油係用叉雞飯嗰啲蔥油，個人來講唔太鍾意，煎蛋就基本，但係個豬扒實在太差，最後豬扒食幾啖就唔食！黯然銷魂飯，味道還好，叉燒係有少少質素，但係個豉油就個人唔太鍾意，但係尚算有質素！酥皮蛋撻，太冧，冇蛋味，酥皮似冧左嘅麵粉，食落去唔太吸引，作為餐廳嘅賣點，完全唔合格！紅豆冰冇奶味唔甜，紅豆可以接受。雜果賓治味道還好，但係唔係用利賓納，冇氣。總結體驗差，cp值低，埋單160左右，天水圍來講唔值座位空間唔算大，服務態度還可以，但食物質素差。