牛涮鍋

营业中

休息中

今日同老公、朋友同佢老公四人行double date，夜晚去咗馬鞍山牛涮鍋打邊爐。今次可以話係一次好失望嘅日式火鍋，除咗配料質素欠佳同唔太新鮮之餘（牛肉還可以），食物選擇亦少之又少，環境仲要有少少「揦鮓」，每個人埋單仲要差唔多四舊水，真係俾錢買難受。我哋叫咗壽喜燒同麻辣豬骨湯底，兩款都淡到好似加咗水嘅清湯咁，壽喜燒一啲甜味都無，麻辣豬骨一啲麻辣味都無，真係嚇親人🥶。另外因為食物選擇少同好多都無refill，我哋只好不斷叫牛肉食。牛肉質素係可以的，肉質有彈性同牛肉味都幾香。飲品亦係另一個令人失望嘅原因，啲果汁仲飲到有粉粒的，味道假到不得了。如果可行提供紙包飲品會好啲，我同朋友都無乜點飲過嘢。