Classified (蓮花宮西街) (已結業)

去完海洋公園，揸車去咗大坑搵食！見間野冇咩人，食評又唔錯咪去試下。價錢唔算貴，一般野$120左右有交易，飲品多選擇，我哋一行三人叫左四樣野食，一杯野飲，埋單$540-。個cheese macaroni 真係必食，雖然冇其他配料，但芝士味濃，淨係食呢個已經大滿足！三文魚外脆內軟，可選side dish,我地叫左薯條，黎到個份量驚人，但薯條只係麥記貨色，唔好有期待！All day breakfast份量都唔少，個烤包要快食，如果唔係凍左就唔好食！Mushroom burger都可以接受，有兩大隻菇，又係配薯條。Smoothies 好足料，用香蕉打，配vinillan seed，又大杯！總括而言，$540- 三個人算係咁，環境清靜，可能人唔好，但個待應好鬼忙，成日想搵人落單比碟埋單都搵唔到。