Cocolo Tokyo Cake Factory (利東街) (已結業)

聽講呢間店出名食蘋果批,我就點了一個青森蘋果批,裡面有酸酸甜甜既蘋果,而個批好香脆,皮好有層次,正!另外叫左一個梳乎厘芝士蛋糕,梳乎厘令到蛋糕既質感好順滑,好輕,好柔軟,口感好特別。呢度既包裝好色彩繽紛,令人好開心,送禮比人都好得體。呢度仲有幾款日本特色飲品,有我中意既汽水,更加有手調飲品。仲有其他批同埋馬卡龍,搞到我心思思。呢度唔同類型既甜品都好吸引,不過一次過食唔到太多,可以送禮比人或下次再試過。