湯•米 (已結業)

今晚同朋友黎佐食一人一鍋，可能假日關係，見到餐廳都坐滿人但門口有凳可以坐住等有客人賣單走職員好快就清潔完，安排佐位置叫佐招牌臭臭鍋，可以選擇辣度或者吾辣鍋會跟粉絲或者飯食物好快就出嚟招牌臭臭鍋勁正，𥚃面除佐臭豆腐，仲有豬大腸，鴨血等，越煮越入味食到最後加粉絲，一人份量超飽，仲叫佐台灣腸，外脆內多汁，甜甜哋食吾停口如果有生蒜仲正。食物好有台灣風味。芝士奶蓋綠茶，奶蓋好濃郁，飲完即刻有罪惡感。環境清靜，食飽仲可以係海旁散步。