木人巷 (已搬遷) 新店位置

最近喺天水圍西鐵站附近開咗個鮮滙站，由於鐘意試新屎坑，站入面嘅食肆我幾乎試勻😂當中我最推介嘅係木人巷~雖然價錢有啲貴，但食物有西餐廳嘅質素喎，當堂覺得抵食添啦~Classic 經典漢堡（8 oz) $46漢堡扒又厚又大塊，生熟度啱啱好，加埋沙律菜同蕃茄，夠fresh夠juicy！正~跟套餐（田園沙律 & 藍莓奶昔） $15沙律菜好新鮮，醬汁竟然係橙汁？！味道出奇地夾~藍莓奶昔唔會過甜，夠香夠滑~👌帕斯圖蜆肉墨魚扁意粉 $52蜆肉好足料，扁意粉夠彈牙，不過之前食過佢嘅黑松露意粉仲正~