地點：中環雲咸街
菜式：印度菜
餐牌：前菜、招牌奶油咖喱、炭火烤、咖喱、蔬菜、招牌菜、印度煲仔香飯、印度烤餅、飯。飲品有招牌雞尾酒、mocktail、紅白酒、多款其他酒精飲品等。
一坐低就有免費薄脆薄餅四片配三色黃紅綠辣醬，食落脆口香辣開開胃。
馬拉炒蜆
馬拉炒蜆有十幾隻連殼馬尼拉蜆熱辣辣炒起，肉好嫰滑，同辣椒、蒜、洋蔥、咖哩葉同炒，仲有少見嘅蕃石榴籽，甜甜哋，好特別！醬汁用森巴醬同另外65醬，辣辣哋好惹味。
炭火烤羊架
炭火烤羊架有一客三大件澳洲羊架，烤得好嫩口，味道唔羶，啖啖肉又有肉汁，外圍香料好香。仲有蕃茄醬另上，可加添清新感覺。中間伴有紅白蘿蔔絲同洋蔥絲，可解膩。伴有青檸一件。
牛肋骨咖哩
牛肋骨咖哩有慢煮美國牛肋骨三大件，整得非常腍，牛味好濃，外围香料味道都唔錯！個汁有好多洋蔥粒，加上少量蕃茄汁，好味道。
Bottled Water
Acqua Panna - Still
呢度仲有檸檬片加落啲水度。
今餐食物好唔錯，牛羊蜆都好味。餐廳裝潢好金碧輝煌，好有皇宮feel。窗邊座位景色見到大館同半山大廈，好開揚。
