影片
更多
2018-07-02
10036 浏览
蒸海鮮都流行左好一段時間，嚟到香港又不斷演變不斷進化出唔同形式嘅蒸鍋大餐， 太子呢間鍋心，我其中一位客戶話勁出名勁好味，好難訂位嘅， 佢今晚專程早一個星期前親自落店訂位咁話喎。海鮮餐係以人頭計， 每人二百幾蚊包八款海鮮，另有燉湯跟主食， 聽落價錢都幾抵食。店內好狹窄，啲卡位連入坐都覺得迫，坐得其實唔太舒服，同埋坐左入去你就唔好諗住四圍郁，事關店員不停送上海鮮菜餚，招呼每枱食客， 你動一動都會阻礙到佢地😏。一坐低，都未定神，就先來個燉湯，燉湯好足料，味精唔算重，愛飲老火湯嘅人應該好like。 我地去時店裡冇啤酒供應，但可自携，所以客戶就買了幾款啤酒嚟助慶😅然後，各款海鮮會陸續送上， 店員會控制蒸煮的時間， 到時到侯就會嚟招呼你， 所以基本上等於食殘癈餐！八款海鮮隨左主打嘅龍蝦、鮑魚、同蟹之後，仲有多款貝殼類，都算鮮味。但係我想講，我未試過食飯食得咁Chur囉， 啲海鮮一味接一味咁上枱，蒸完就即刻上碟， 完全冇理會食客食野嘅節奏，我地想食慢左啲啲啫，因為都邊食邊傾計， 但店員唔理你，照蒸照上碟， 明見我碟上的仲未食完， 佢都照將下一道堆埋嚟，因為唔清左個蒸隔，佢唔可以proceed去蒸下一
海鮮餐係以人頭計， 每人二百幾蚊包八款海鮮，另有燉湯跟主食， 聽落價錢都幾抵食。
店內好狹窄，啲卡位連入坐都覺得迫，坐得其實唔太舒服，同埋坐左入去你就唔好諗住四圍郁，事關店員不停送上海鮮菜餚，招呼每枱食客， 你動一動都會阻礙到佢地😏。
一坐低，都未定神，就先來個燉湯，燉湯好足料，味精唔算重，愛飲老火湯嘅人應該好like。
我地去時店裡冇啤酒供應，但可自携，所以客戶就買了幾款啤酒嚟助慶😅
然後，各款海鮮會陸續送上， 店員會控制蒸煮的時間， 到時到侯就會嚟招呼你， 所以基本上等於食殘癈餐！
八款海鮮隨左主打嘅龍蝦、鮑魚、同蟹之後，仲有多款貝殼類，都算鮮味。
但係我想講，我未試過食飯食得咁Chur囉， 啲海鮮一味接一味咁上枱，蒸完就即刻上碟， 完全冇理會食客食野嘅節奏，我地想食慢左啲啲啫，因為都邊食邊傾計， 但店員唔理你，照蒸照上碟， 明見我碟上的仲未食完， 佢都照將下一道堆埋嚟，因為唔清左個蒸隔，佢唔可以proceed去蒸下一道海鮮🙄，我地於是叫停佢， 諗住清咁啲先再蒸，佢地完全唔理會，一定要我地快啲食！ 其實如果係咁，你不如索性八味都係廚房蒸好出嚟， 唔使係我面前蒸啦！
最後仲奇怪， 其實店家係主打海鮮，有主食都可以理解，因為有人真係要食啲飯嘅， 但食完八款海鮮之後，我唔認為可以再KO一大個八寶蒸飯囉！
雖然個蒸飯好多料， 味道都唔錯， 但對已經食到飽飽嘅我地， 實在太浪費喇！
成餐飯其實根本唔可以好好享受，食得好趕好辛苦， 如果你同啲唔熟嘅人嚟還可以， 因為齋食唔使傾計嘛，同friends去你就諗過先喇， 因為出面真係大把其他選擇囉。
张贴
