影片
更多
2013-01-20
1041 浏览
喜愛 Chocolate Rain 的朋友一定有留意佢嘅 Facebook 專頁發佈嘅消息，最近就提及以 Chocolate Rain 為主題的餐廳正式開幕喇，而且仲介紹咗一系列有 Chocolate Rain 主角嘅食物，真是好期待，不過有關的主題食物就要等到二月先推出，唯有再等下啦。不過我今日都去咗朝聖呀！由屋企行過去大約十分鐘，不過海味街啲人真係多到水洩不通。餐廳係上環西港城對面大廈的轉角位置，如果你是坐叮叮的，就勁方便，係車站對面。門口的櫥窗內除了擺放各式各樣的食物樣本，還有三個 Fatina 公仔，全部都著住靚靚和服，真係似日本娃娃。餐廳的主要位置差不多坐滿了人，店員安排我坐在梳化的位置。奉上三個餐牌，一個是餐廳的主要餐牌，一個是下午茶套餐，一個是丼。眼前太多選擇，真係唔知揀咩好，見好多食評都沒有特別推介什麼好食的。下午茶套餐雖然比較化算，由 $30 至 $68，有甜品餐，有意粉餐等等，不過又好似沒有特別的日式食物。最後我看中了 '至瀛三式'，被餐牌上寫住嘅吸引， '迷你丼共有照燒雞扒，秘製肉醬配炙燒芝士及野菜咖哩口味，讓你一之過品嚐三款滋味特色的丼飯'，哈哈，見餐牌上的丼細
不過我今日都去咗朝聖呀！由屋企行過去大約十分鐘，不過海味街啲人真係多到水洩不通。餐廳係上環西港城對面大廈的轉角位置，如果你是坐叮叮的，就勁方便，係車站對面。
門口的櫥窗內除了擺放各式各樣的食物樣本，還有三個 Fatina 公仔，全部都著住靚靚和服，真係似日本娃娃。
餐廳的主要位置差不多坐滿了人，店員安排我坐在梳化的位置。奉上三個餐牌，一個是餐廳的主要餐牌，一個是下午茶套餐，一個是丼。眼前太多選擇，真係唔知揀咩好，見好多食評都沒有特別推介什麼好食的。下午茶套餐雖然比較化算，由 $30 至 $68，有甜品餐，有意粉餐等等，不過又好似沒有特別的日式食物。
最後我看中了 '至瀛三式'，被餐牌上寫住嘅吸引， '迷你丼共有照燒雞扒，秘製肉醬配炙燒芝士及野菜咖哩口味，讓你一之過品嚐三款滋味特色的丼飯'，哈哈，見餐牌上的丼細細碗，啱晒我心水，於是係大家主力食下午茶餐的環境下，我好型咁食呢個'至瀛三式'。
點解好型？因為當店員奉上 '至瀛三式' 給我時，都吸引隔離左右的目光。'至瀛三式' 除了有三碗丼之外，仲有一個麵豉湯和一個前菜，一共五個器皿，真係有點嚇親人。三碗丼的份量好像比圖片的多，真係第一次係實際食物大過餐牌圖片。經過一輪拍照之後，我就開餐喇！麵豉湯是很傳統的口味，而且有點鹹，不太討好。前菜是瓜的醃漬物，食起來也很爽口，味道仍然很清。
三個口味的丼，我也計劃過食的次序，驚食到最後食唔晒就唔好。首先食嘅係秘製肉醬配炙燒芝士，什麼是秘製肉醬我也不太清楚，只是覺得同平時的蕃茄肉醬差不多，反而芝士就好好味，仲拉出絲，肉醬汁夠多，撈飯食好好味，成碗食晒了。
之後就食照燒雞扒，其實是照燒雞扒粒，粒粒雞扒上有很多紫菜條，雞扒粒肉厚，不過食起來尚算滑，最好味的是個醬汁，香濃但甜度剛剛好，又係用來撈飯食一流，好快我又食完。
最後就食野菜咖哩，野菜有蘿蔔，西蘭花，磨菇和松菇。嘩！原來個咖哩都幾辣，不過佢係甜中帶一點點辛辣味的，好快又將成碗飯食完。
食完三碗飯，真係好似試食咁，不過發現其實最好食野菜咖哩先，因為有點辣，再吃多些飯來中和下會好啲。食完 '至瀛三式' 有點意猶未盡，總覺得不吃甜品就好像沒有來過夢見屋一樣，於是叫了一個朱古力芭菲，店員提示要等十五分鐘，於是我就四周拍照，拍下有Chocolate Rain 出現的每一個角落。
天花也有 Chocolate Rain 的圖案，不過那些吊燈總是擋著視線，未能好好欣賞。
店內的另一邊也擺放了二十個小型的 Fatina 著和風的公仔，各具特式。
而透明嘅廚房玻璃上都有 Chocolate Rain 的蹤影，真係好特別。終於朱古力芭菲出場了，杯較餐牌內圖片高，可以看到一層一層，朱古力粒粒蛋糕，加忌廉，再加特濃朱古力雪糕，最底是粟米片。朱古力蛋糕很鬆，甜度適中。特濃朱古力雪糕，吃起來有點 Heavy，兩大球，真的有點濟，幸好有不甜的忌廉中和下，如果轉一些淡味道的朱古力雪糕可能會更好，而最底的粟米片似乎不太適合做芭菲，因為好容易變腍，而且杯底部份較窄，不太方便取出來食。
差不多六時，下午茶的人潮走了，又有來吃晚飯的人。店內只有四個餐廳職員工作中，有點應接不暇，埋單時間比較長。總括而言，食物水準也不錯，不過視乎你選擇的食物，可能大家叫的食物不同先有差異。下次再來的時候，就要試 Chocolate Rain 的主題食物，很期待！
另外值得一提的是，適逢佢地 25 週年，推出限量版的會員卡，仲有 Chocolate Rain 公仔架，有兩款設計，而且分開兩個發售時段，fans 要留意下啦。
张贴
