Moreish & Malt (蕪湖街) (已結業)

放假約下好耐無見嘅友人食個brunch。今次嚟到位於紅磡一間酒店嘅西餐廳，窗邊位有落地大玻璃望街景，舒適寫意。酒鬼友人點咗杯Red Sangria，飲落有淡淡嘅果香味。我點咗杯Thai Soda，味道微酸帶甜，口感清爽冰涼。燒紐西蘭肉眼扒size同手掌差唔多，油脂分佈比較平均。五成熟肉質偏軟嫩，咬落好juicy。太陽蛋煎得好靚，蛋黃一咬就爆汁。薯格金黃色，炸得香脆。All-Day Breakfast一共有八款食物。炒蛋好滑溜，加咗黑松露味道濃郁。大啡菇肉厚彈牙。煙肉口感煙韌，味道鹹鹹地。芝士腸好大條，咬落爽口，芝士味濃郁。秘製焗豆味道香甜，好有層次，幾好食。