18樓雞煲火鍋專門店

营业中

休息中

自從疫情之後，都真係超耐冇食雞煲或者打邊爐，所以真係今次想出嚟放鬆一下，食返夠本！所以今次揀咗一間有得食雞煲，有得打邊爐嘅鋪頭！就係呢間18樓雞煲啦！呢間雞煲好特別，唔同嘅分店都開喺18樓嘅位置！真係好難唔令人記得佢！呢度個位置都幾闊落，好大嘅空間有好多卡位坐，真係唔怕會坐得好迫或者好唔舒服！首先店員會問你想食幾多辣嘅雞煲，呢度係先食雞煲後打邊爐，呢度出名係落兩寸半雞湯就已經可以打邊爐！呢度啲雞都幾滑，叫咗少少辣，都已經好入味，啱晒唔食得辣嘅朋友仔！以打邊爐嘅料，都好多選擇，仲想得好快添，可以揀自己想食嘅份量，而份量都來得好足，絕對唔會係偷工減料，寫十碟就嚟五碟之類！飲品嘅選擇都有好多，真係花多眼亂，一定會揀到你自己想飲嘅飲品！呢度真係性價比好高，可以叫一大班朋友嚟吹吓水打下邊爐食吓嘢，真係一個幾好嘅選擇！