ZAKS (已結業)

今日趁天氣未算好涼既時候去左愉景灣沙灘曬太陽，曬到咁上下肚餓就去左呢間Zaks度歎下午茶！呢間餐廳係直望住沙灘，有室內同室外座位，而今次我就坐響室外最出對住沙灘大海既位置。今日天氣涼涼地，再加上餐廳播住既音樂真係幾有情調！由於我地只係食下午茶，兩個人嗌左佢地既招牌薯皮！再加兩杯野飲（Apple Cider同Chocolate Milkshake)！招牌薯皮好新鮮，食得出係岩岩焗出黎，上面有好厚層既芝士同脆脆地既煙肉粒！碟上面有三種醬汁俾你點，又幾有風味😋！至於Apple Cider就無乜特別，係Somersby! 杯Chocolate Milkshake就普普通通啦！大致上黎講呢度就係食環境食情調！食物質素都唔錯，下次再入黎愉景灣都可換再食過！