影片
更多
2023-03-05
148 浏览
今日下晝同家姐去觀塘買家品，大家搬咗出嚟之後都好耐冇見傾計，家姐話介紹個地方同我順便傾偈。入到去環境好舒服，簡約風，窗邊嘅枱有天然太陽光，我地好好彩坐到sofa，開開心心睇menu，一人一個套餐share。因為家姐點咗漢堡餐有沙律，我哋2個都要餐湯冇揀沙律，餐湯係粟米忌廉湯，上枱賣相幾靚，忌廉有d似拉花咁，幾靚，粟米湯飲得出係真材實料用粟米打成，唔係罐頭湯，加上脆脆嘅蒜蓉法包，個餐湯都幾有誠意。蒜香辣野菌大蝦帆立貝墨魚汁意粉先講份量好足夠，有3隻大蝦，2隻帆立貝。帆立貝好大隻，好鮮味。墨汁意粉幾彈牙，以洋蔥三色椒炒，好香。意粉黑色，配菜五顏六色，睇落好吸引，加上面放啲玫瑰花瓣，呢個意粉色彩繽紛。美國黑安格斯漢堡伴炸甜番薯條. 田園沙律餐廳知道我哋share食，幫我哋分開左一半，再用靚靚竹籤吉住，令我哋食起上嚟方便啲。成個漢堡包好厚，麵包搽咗牛油焗得好脆，漢堡扒叫咗五成熟，好厚身好大塊，好juicy 。成個包一口咬下去，juicy牛肉，香濃芝士，爽脆生菜加上蕃茄，冇得輸。炸甜番薯條唔油又好味，另外俾既唔係茄汁，係黑松露醬，個醬Creamy，黑松露味香濃，又超美味。餐飲方面，我點咗一個熱玄
入到去環境好舒服，簡約風，窗邊嘅枱有天然太陽光，我地好好彩坐到sofa，開開心心睇menu，一人一個套餐share。
因為家姐點咗漢堡餐有沙律，我哋2個都要餐湯冇揀沙律，餐湯係粟米忌廉湯，上枱賣相幾靚，忌廉有d似拉花咁，幾靚，粟米湯飲得出係真材實料用粟米打成，唔係罐頭湯，加上脆脆嘅蒜蓉法包，個餐湯都幾有誠意。
蒜香辣野菌大蝦帆立貝墨魚汁意粉
先講份量好足夠，有3隻大蝦，2隻帆立貝。帆立貝好大隻，好鮮味。墨汁意粉幾彈牙，以洋蔥三色椒炒，好香。意粉黑色，配菜五顏六色，睇落好吸引，加上面放啲玫瑰花瓣，呢個意粉色彩繽紛。
美國黑安格斯漢堡伴炸甜番薯條. 田園沙律
餐廳知道我哋share食，幫我哋分開左一半，再用靚靚竹籤吉住，令我哋食起上嚟方便啲。成個漢堡包好厚，麵包搽咗牛油焗得好脆，漢堡扒叫咗五成熟，好厚身好大塊，好juicy 。成個包一口咬下去，juicy牛肉，香濃芝士，爽脆生菜加上蕃茄，冇得輸。炸甜番薯條唔油又好味，另外俾既唔係茄汁，係黑松露醬，個醬Creamy，黑松露味香濃，又超美味。
餐飲方面，我點咗一個熱玄米茶，家姐點咗Hawaiian Ice Tea。玄米茶夠熱，正常。反而Hawaiian Ice Tea不只賣相靚，可以打卡，好有果香味，幾好飲，如果再大杯d就好了。
總括而言，環境好，食物好，加上餐廳唔會趕客，係一處同朋友傾偈好地方，家姐同我都傾左好耐先走，值得推介既好地方。
张贴
