BKK

炭烤和牛串配冬蔭功和牛串一上枱已經聞到濃濃嘅炭香味，牛肉烤到表面微焦，油脂滲出嚟，睇落好吸引。而冬蔭功湯底酸辣味幾突出，入面嘅蝦夠新鮮，肉質彈牙，，整體嚟講和牛串同冬蔭功係兩種味道，搭配唔算太有火花，但各自表現唔錯。蝦餅配蝦香草沙律蝦餅煎得外層香脆，咬開可以見到入面嘅蝦肉幾實在，唔係嗰啲粉多蝦少嘅款，食落去仲有少少彈牙感。配埋嗰個香草沙律，味道清新，有啲酸酸甜甜嘅感覺，幾解膩。炒金邊粉呢份金邊粉炒得乾身，唔會油膩，入面嘅蔬菜、雞蛋同埋牛肉都炒得啱啱好，口感豐富。調味方面屬於比較偏甜嘅泰國風味，但甜味控制得唔錯，唔會過份搶味。炸紅鯛魚炸鯛魚外皮炸得夠脆，切開內裏嘅魚肉就係嫩滑嘅，唔會過熟或太乾。魚本身冇太多腥味，應該係夠新鮮，配埋泰式酸辣醬，味道好突出。芒果糯米飯呢個芒果糯米飯真係幾正宗，芒果熟得啱啱好，甜度自然，仲帶少少果酸味，幾清新。