Coti (沙咀道) (已結業)

今日遠道去到荃灣同個客開會， 跟住食咗個快飯！ 餐廳位於一個商業大廈嘅大堂， 堂食坐位唔多， 但感覺舒適開陽。 兩個人點咗香蒜蜆肉意粉、蒲燒鰻魚滑蛋飯Cappuccino、 Americano餐廳氣氛好好， 一路食見到唔同嘅客人都會同店員打招呼， 傾兩句！ 店員友善親切，今時今日好難搵到啲咁嘅服務態度！蜆肉意粉份量唔算太大，但蜆肉嘅比例算多，加少少芝士粉，口感好特別， 又香又清新！鰻魚飯，鰻魚好大條， 唔食飯淨食鰻魚都好飽！個鰻魚汁用嚟送飯加埋隻蛋簡直係絕配！ 食完個午餐配埋兩杯咖啡， 個感覺好放假mode! 餐廳唯一嘅敗點就係堂食座位太少， 有機會嚟到要等位！ 除此之外，餐廳的食物質素同埋服務態度絕對會令我再次幫襯！