犇道 (已搬遷) 新店位置

天氣潮濕有時又陰陰涼涼個人冇咩精神！星期六由朝早起身是但咬左個飽又走返上床瞓，絕對唔想起床， 點知係床嘆緊時， 阿姨打來話今晚過來打麻雀喎，媽咪叫我去買餸煮飯，拿我真係成身散哂唔想搞咁多野。 所以我就叫老豆車我入屯門買材料返來打邊爐順便接阿姨咁就最好。今次去左犇道到買靚牛打邊爐，係因為我阿姨好識食的， 如果你求奇去一間凍肉店買 cheap cheap 肥牛實比佢怪我的， 所以我上網睇過犇道都幾多人讚所以就來買材料了。去到店舖見到佢地依家做緊火鍋狂熱套餐有齊4款牛 分別係（牛板鍵200g +牛頸脊片200g+牛小排片200g +美國安格斯封門柳火鍋片200g）另加一包韓國鮑魚餃子。價錢合理即掃回家。阿姨見我地準備左4款唔同的牛招呼佢，佢好開心亦食左好多， 佢話最愛牛頸脊有咬口而且脂肪較少， 而我就鍾意封門柳，因肉味清甜腍滑，老豆鍾意牛板鍵因油花分佈均勻，肉質軟嫩中帶有彈性送酒岩哂喎。媽咪可能煲劇煲得多反而鍾情個韓國鮑魚餃，平時同佢去打邊爐不嬲都唔食餃的，佢今次竟然大賺喎。我地都好滿意係犇道到買的材料，仲話下次去網站到網購，直接送貨來就得超方便。