孖啡 (已結業)

#cafeeatcovery #旺角eatcovery💡 chill舒適樓上cafe💛約左朋友聚舊，搵一間又舒適又無限時間嘅cafe唔係好多，今次就搵到間樓下cafe，地方大但又唔嘈，岩曬可以慢慢傾計。🍽 煙三文魚意大利烘包🥙烘包外脆內軟，內層好軟熟。包夾住大大塊煙三文魚，亦有番茄，青瓜同沙律醬，口感非常豐富。另外配有沙律同薯條。🍽 芝士焗吞拿魚意粉即叫即焗熱辣辣，面層勁厚芝士，就咁睇以為得好少吞拿魚，點知撈一撈吞拿魚份量巨多，又唔會乾爭爭，撈埋一齊食好濃郁😋🍽 心太軟心太軟新鮮焗起，熱辣辣，暖笠笠嘅朱古力漿慢慢咁流出黎。外脆內軟，配埋雲呢拿雪糕，一凍一熱，雙重享受。🍽 柑桔檸檬飲落唔好太甜，甜甜酸酸好解暑。🍽 玫瑰果花茶淡淡玫瑰味，好香，飲完好舒服，啱曬番左成日工，休息一下，舒緩疲勞。