心事如塵茶食亭 (活@KCC) (已結業)

「心事如塵茶食亭」💕呢度係我同男朋友嘅秘密基地，當我哋想傾吓計嘅時候，就會嚟呢度飲杯嘢傾吓計。我一直都係 dustykid嘅fans，如果你都係，你一定會好明白望到佢哋嘅書同精品，會有一種豁然開朗嘅感覺。當然！佢哋嘅飲品亦都好好味😍🔥左邊嘅係芝士奶蓋四季春（$36）芝士嘅味道好濃郁，配合埋清清地嘅四季春，味道好夾之餘亦唔會好飽。🔥右邊嘅芝士奶蓋茉莉綠茶（$36）茉莉味香濃，飲完之後後面仲有一種淡淡的茉莉味💕適合係食完飯之後飲！