海饌 - 海鮮牛扒餐廳 (Fashion Walk) (已結業)

Fashion walk 既餐廳最岩Friday night! 餐廳有戶外有戶內，室內佈置好有外國海傍既感覺，有蠔食，仲有燭光，好有情調。 烤雞肉牛油果藜麥沙律，我鍾意拎住好fresh既沙律菜，加上一塊雞，然後再舖芝士同藜麥一齊食，多重口感，藜麥同沙律菜都好爽口，雞亦夠嫩，芝士同牛油果都好香軟濃味。另外仲有雞蛋、車厘茄，成個salad好豐富!香蒜橄欖油浸墨魚片，墨魚片入口係嫩滑又爽口彈牙，唔會咬唔開，配埋炸蒜片係有微微辣味，橄欖油亦超香，非常惹味。磨菇湯配蒜蓉包，非常香濃creamy又有好多磨菇碎粒，蒜蓉包好香脆，沾湯唔沾湯食都好好味。主食烤阿根廷thin skirt steak，上菜時已經切好，皮外脆肉內粉嫩，非常香軟。chimichurri 醬帶輕輕辣感，非常好味。Burrata cheese 濃郁而不膩，加埋一齊食十分正。鍾意餐廳會安排一道一道菜上，食完一樣先一樣，比較chill。廚房透明度高，見住每道菜都新鮮出黎，感覺良好。餐廳預訂一下比較好，因為都幾full。