Meraviglia Bar e Ristorante (已結業)

Meraviglia Bar e Ristorante (沙田)沙田白石角香港科學園第二期科技大道西10號浚湖樓地下S040號舖今日去左科學園玩，晚上當然係科學園食埋佢先啦，難得一場入到來。好耐無來科學園，發覺都好多左好多餐廳，唔知關唔關白石角多左人住，所以就令科學園多左好多餐廳。今次就去左間叫Meraviglia Bar e Ristorante的餐廳，佢開正係人工湖旁，係幾有feel的。食物都有水準，我地就叫左客蜜瓜配煙肉既前菜，十分開胃。跟住再叫左一客意大利飯，番茄味恰到好處，開胃，而飯粒濕濕地但又唔係淋，做到意大利飯既水準。另外，我地仲叫左一客燒雞，肉汁豐富，香脆可口。最後就梗係唔少得甜品啦，一客意大利芝士餅，一客焦糖布丁，加埋兩杯野飲，正呀。