Med Chef (已結業)

Med Chef開喺尖沙咀樓上鋪，係一間以CBD為主題既fusion菜餐廳。一入到去見到個裝潢已經好型格，有霓虹燈同半開放式廚房，而且啲座位亦都好闊落好舒服。今次我同朋友懶懶地，我哋就直接叫咗個set dinner😋咩都唔使諗，又有齊我哋想試嘅威靈頓三文魚同埋pasta。首先頭盤就上咗龍蝦湯，同埋沙律。龍蝦湯色澤橙紅，每一啖都係濃郁龍蝦精華，口感豐富而且無油膩感。加埋新鮮嘅沙律菜食，就好開胃。之後就上左帶子蟹肉牛油果他他配薑油黑醋汁👍🏻，我被墨西哥牛油果醬吸引住，面層用蟹肉、帶子攪拌而成，鮮甜好味啖啖肉；配埋薑油黑醋汁夠哂開胃；略嫌麵包有少少銀，咬唔開🥲但整體他他好好食主菜我地揀左威靈頓三文魚同日式芥末忌廉香煎廣島蠔闊條麵 。廣島蠔煎出好香口，飽滿又新鮮。闊條麵再配埋Creamy.奶油又煙韌度，相當好食。威靈頓三文魚配秘魯黃椒醬，呢個威靈頓三文魚令我最深刻嘅一道菜。酥皮相當鬆脆，三文魚咬落口感非常嫩滑，仲保留到魚肉汁我會話呢個都係必點菜式之一。😋😋👍🏻最後想問今晚嘅是日甜品，就真係識得又飽又滿意😊👍🏻