影片
更多
2023-04-25
46 浏览
戚風呀～戚風呀～嗰種鬆軟又充滿空氣感的質感令我著迷😆，但好可惜我駕御唔到屋企個蒸焗爐，每次整戚風都“謝皮”，所以每次見到戚風蛋糕我都唔係好忍到手！是日經過海港城，就發現咗有JOMO限定店（唔使去將軍澳啦！🥳），即刻入手順便去西九同小朋友chill住食。😎JOMO 戚風蛋糕有6款口味：伯爵茶、黑芝麻、開心果、熱情果、柚子及紅莓。今次我就試咗其中四款：🍰伯爵茶作為一個百爵茶控，每次食戚風都必點百爵茶！JOMO戚風蛋糕底十分鬆軟，入口有百爵茶獨有的香味外，仲有陣好香的焦糖味😳！原來佢外層的法國忌廉係黑糖口味，唔怪得職員要拎另一盒忌廉淋上去😆。呢個百爵茶毫無疑問成為咗我嘅第一首選。🍰熱情果：顏色好有活力的熱情果蛋糕，戚風的鬆軟之外，仲有輕營忌廉+酸酸的百香果醬+百香果籽，三重口味同時融入，實在非常開胃，我將佢排為第二。🍰開心果及紅莓開心果呢，本來我都預咗味道會比較淡，畢竟開心果本身亦唔重味。但翠綠嘅顏色令我對佢加咗分，加上開心果會有種獨特嘅果仁味，鐘意開心果的要試下。而紅梅味就意外地比較淡味，味道上唔算突出。總捨嚟講，蛋糕體夠鬆軟之餘又有一定濕度，唔會感覺好乾；而且四款都係偏淡，唔會好甜；至於
嗰種鬆軟又充滿空氣感的質感令我著迷😆，但好可惜我駕御唔到屋企個蒸焗爐，每次整戚風都“謝皮”，所以每次見到戚風蛋糕我都唔係好忍到手！
是日經過海港城，就發現咗有JOMO限定店（唔使去將軍澳啦！🥳），即刻入手順便去西九同小朋友chill住食。😎
JOMO 戚風蛋糕有6款口味：伯爵茶、黑芝麻、開心果、熱情果、柚子及紅莓。今次我就試咗其中四款：
🍰伯爵茶
作為一個百爵茶控，每次食戚風都必點百爵茶！JOMO戚風蛋糕底十分鬆軟，入口有百爵茶獨有的香味外，仲有陣好香的焦糖味😳！原來佢外層的法國忌廉係黑糖口味，唔怪得職員要拎另一盒忌廉淋上去😆。呢個百爵茶毫無疑問成為咗我嘅第一首選。
🍰熱情果：
顏色好有活力的熱情果蛋糕，戚風的鬆軟之外，仲有輕營忌廉+酸酸的百香果醬+百香果籽，三重口味同時融入，實在非常開胃，我將佢排為第二。
🍰開心果及紅莓
開心果呢，本來我都預咗味道會比較淡，畢竟開心果本身亦唔重味。但翠綠嘅顏色令我對佢加咗分，加上開心果會有種獨特嘅果仁味，鐘意開心果的要試下。
而紅梅味就意外地比較淡味，味道上唔算突出。
總捨嚟講，蛋糕體夠鬆軟之餘又有一定濕度，唔會感覺好乾；而且四款都係偏淡，唔會好甜；至於口味就各有喜好，可能按照自己喜好去簡啦😆。
*去西九chill住食，真係要幾chill有幾chill呀！
张贴
