Gastrobox by Okapi Cafe (已結業)

Chill可以去到幾盡，我同瓊姐今日去到西貢 Gastrobox by okapi cafe 食一個兩個鐘嘅靚lunch。先來一個干邑龍蝦湯，湯味濃郁，而且愈飲愈濃味。沙律就叫了芝士番茄煙三文魚蟹肉沙律，超fresh 。之後再嚟一個英式炸魷魚圈配炸薯條，香脆美味。主菜係白酒忌廉煮青口配蒜蓉包，青口粒粒都飽滿，忌廉香醇， 蒜蓉包香脆，好好味呀～另外煎虎蝦配黑松露意大利飯， 虎蝦超爽彈牙， 黑松露意大利飯粒粒有咬口，滋味無窮。餐廳環境十分舒適， 有如置身於懷舊英式大廳，食住飯傾住計，十分chill，Chill住過一個Happy Friday !!