泰玖 (已結業)

泰玖位於荃灣既泰玖 樓底好高，工業風設計，加埋幽暗既燈光，真係好有feel 架。而最靚係餐桌前既花磚，令餐廳更添異國風情。泰玖有兩層，今次我地坐咗樓下。青咖哩雞配麵包磚青咖喱雞配料好豐富，除咗雞肉外，仲有四季豆，茄子，蘿蔔絲同埋香葉等。青咖喱醬汁好濃郁，雖然餐牌上面冇寫辣椒仔，但係佢都帶微辣架，但以香味更為突出。醬汁中既雞肉唔會死實，而且醬汁非常入味，口感鮮美。配搭咖喱可以揀薄餅或拍烤面包磚，咁我地就試咗後者。面包磚烤得恰到好處，外面金黃香脆，入面濕潤柔軟，口感豐富、層次分明。一啖麵包一啖咖喱，麵包與咖喱醬汁的香辣口感相得益彰，黎到必定要叫呀。招牌泰式香葉生菜包生菜包是一道食泰菜我一定會叫既野食。泰式生菜包的生菜葉嫩脆清爽，搭配上酸辣爽口的泰式調味汁醬和香辣的肉餡，食完一舊又想即刻食下一舊，回味無窮。呢到既生菜好新鮮，非常翠綠，而肉餡辣度不算太過火。如果大家怕太辣的話，可以食面果啲肉碎，冇太多汁的話，辣度都會減少。生菜包上包仲有少少炸豬皮，好脆口好好食。食辣野點都要叫野飲解解辣，我地一人一杯，叫咗青檸梳打同鮮橙冰茶，前者好解渴，後者橙味突出，亦都唔會太甜，黎到就試下啦。