八方棧

营业中

休息中

平時踩單車就會經過科學園，坐低食飯真係第一次。餐廳有戶外位，今晚涼涼地坐室外吹住海風好舒服😌食物選擇都有好多！芥末蝦球｜蝦球大大粒樂爽口，炸衣努薄，入口香脆而且完全唔覺得油👍🏻加埋芥末蛋黃醬辣辣地幾過癮！伴碟仲有菠蘿同哈密瓜，中和番炸蝦球既油膩！燒味雙拼｜雙拼揀左叉燒拼燒腩仔，叉燒軟淋多汁，肥瘦均勻，外層仲有啲焦香，好好味！燒腩仔就鹹左小小，不過係肥瘦相間，油香十足🥰頭抽干煎龍躉球｜呢道其實係龍躉魚片，魚片肉質厚實好彈牙，簡單用頭抽煎香更突出鮮味🤤伴碟既西蘭花都好爽脆！金銀蛋浸白菜仔｜白菜仔軟淋清甜，份量都好多！兩個人食到捧住個肚走😂😂