影片
更多
2023-04-05
94 浏览
觀塘總係人來人往車水馬龍，今次竟然俾我發現到個坐得舒服，食物又好味嘅cafe。店如其名俾人感覺可以舒服咁放鬆下，休息下。餐廳設計用咗水泥牆，配合原木枱櫈同綠葉植物，簡約得來又有設計感。韓式雞肉菠蘿漢堡 $118估唔到菠蘿同韓式醬都幾夾喎，甜甜辣辣味道清新。Burger好大個超足料，薯條脆卜卜，分量好多兩個女仔分享都可以。虎蝦蕃茄汁扁意粉 $128蝦肉爽口彈牙，蕃茄汁酸度適中，意粉質地Al dente，食得好舒服嘅意粉。飲品選擇多到眼花撩亂，樣樣都心思思想飲。今次揀咗冰磚鴛鴦$46有啲玩味嘅飲品，將espresso雪到變咗冰塊，由顧客自行斟入奶茶，杯入邊有打起嘅奶泡，除咗好玩，味道都好高質。雜莓乳酪沙冰$50好醒胃嘅口味，酸酸甜甜加埋冰沙質地，絕對係消暑恩物。
店如其名俾人感覺可以舒服咁放鬆下，休息下。餐廳設計用咗水泥牆，配合原木枱櫈同綠葉植物，簡約得來又有設計感。
韓式雞肉菠蘿漢堡 $118
估唔到菠蘿同韓式醬都幾夾喎，甜甜辣辣味道清新。Burger好大個超足料，薯條脆卜卜，分量好多兩個女仔分享都可以。
虎蝦蕃茄汁扁意粉 $128
蝦肉爽口彈牙，蕃茄汁酸度適中，意粉質地Al dente，食得好舒服嘅意粉。
飲品選擇多到眼花撩亂，樣樣都心思思想飲。
今次揀咗冰磚鴛鴦$46
有啲玩味嘅飲品，將espresso雪到變咗冰塊，由顧客自行斟入奶茶，杯入邊有打起嘅奶泡，除咗好玩，味道都好高質。
雜莓乳酪沙冰$50
好醒胃嘅口味，酸酸甜甜加埋冰沙質地，絕對係消暑恩物。
张贴
