影片
更多
2023-07-31
622 浏览
之前早有聽聞權八居酒屋於尖沙咀北京道一號開咗旗艦店，位於28樓完全可以飽覽整個270度嘅維港景色。全間餐廳都係落地玻璃而且環境相當開揚闊落，加上當日天朗氣清所以令到成個景觀更加震撼！真係淨係睇到個靚景都已經值晒。今次係專乘帶同爸媽嚟到一試佢哋嘅和風下午茶，我哋叫咗一份$498嘅三層set：一盒冷盤、一盒熱食同一盒甜點，個set包含2杯指定飲品，不過想追加無限暢飲都只需加$99就可以，下午茶竟然都有咁嘅offer真心好抵！冷盤當中特別驚喜嘅係香蔥吞拿魚腩鍋巴，鮮甜又或者吞拿魚蓉配上超脆口嘅鍋巴，口感層次鮮明！如果怕食生嘢嘅話，穴子牛油果卷亦絕對唔會令你失望。熱食當然唔可以錯過佢哋嘅招牌忌廉炸蟹肉餅，香濃嘅忌廉，有住淡淡嘅松葉蟹肉香味，配埋小青椒一啖咬落真係一試難忘！另外權八嘅kushi串燒都一如傳聞一樣好岀色，外脆内嫩非常誘人甜食嘅話就絕對要一試佢哋嘅椰汁南瓜白玉子！呢個果然係權八嘅招牌甜點，椰奶嘅香滑配上日本南瓜嘅淡淡甘甜同白玉子嘅堅韌口感，真係為成個下午茶畫上咗最完美嘅句號成個下午茶體驗都非常之美好，除咗美食有絕美嘅維港景色相伴，餐廳嘅服務都好細緻，上菜嘅時機會為你配合好，會等每一盤
今次係專乘帶同爸媽嚟到一試佢哋嘅和風下午茶，我哋叫咗一份$498嘅三層set：一盒冷盤、一盒熱食同一盒甜點，個set包含2杯指定飲品，不過想追加無限暢飲都只需加$99就可以，下午茶竟然都有咁嘅offer真心好抵！
冷盤當中特別驚喜嘅係香蔥吞拿魚腩鍋巴，鮮甜又或者吞拿魚蓉配上超脆口嘅鍋巴，口感層次鮮明！如果怕食生嘢嘅話，穴子牛油果卷亦絕對唔會令你失望。
熱食當然唔可以錯過佢哋嘅招牌忌廉炸蟹肉餅，香濃嘅忌廉，有住淡淡嘅松葉蟹肉香味，配埋小青椒一啖咬落真係一試難忘！另外權八嘅kushi串燒都一如傳聞一樣好岀色，外脆内嫩非常誘人
甜食嘅話就絕對要一試佢哋嘅椰汁南瓜白玉子！呢個果然係權八嘅招牌甜點，椰奶嘅香滑配上日本南瓜嘅淡淡甘甜同白玉子嘅堅韌口感，真係為成個下午茶畫上咗最完美嘅句號
成個下午茶體驗都非常之美好，除咗美食有絕美嘅維港景色相伴，餐廳嘅服務都好細緻，上菜嘅時機會為你配合好，會等每一盤食得差不多先為人客上下一盤嘅食物。雖然下午茶set有包咗兩杯飲品但係餐廳員工依然會好殷勤咁不斷添熱茶，仲會主動問有冇需要幫忙影靚相。
所以總括成個體驗就係完全值回票價！所以大家如果已經成日食一般英式下午茶，下次不妨帶屋企人朋友嚟一試權八嘅和風下午茶，過一個滋味又愜意嘅下午茶時光啦～
张贴
