影片
更多
2025-04-21
29 浏览
朋友話尖沙咀有一間都開咗幾耐嘅隱世泰國菜介紹，今日佢帶路，其實地點都幾方便，喺尖東站出行5分鐘內就到。餐廳菜式非常豐富，正所謂有得揀先係老闆，今日小試牛刀，同朋友分別叫咗幾樣嘢食，個人比較鍾意食海鮮，所以主要想介紹呢2道菜俾大家🤭🦐生蝦 6隻 $138呢道生蝦選料新鮮，食落肉質鮮甜，搭配特製嘅醬汁，通常包括青檸汁同辣汁，味道好清新，保留咗蝦肉嘅原汁原味。如果唔怕少少苦，配埋附上嘅蒜片、辣椒同苦瓜食就更加一流！🐟明爐烏頭 $228呢道明爐烏頭有驚喜😛烏頭魚經過明爐烤熟咗再上，唔使擔心食食吓仲發現有魚肉仍然係生。之前去九龍城頗出名嘅泰國菜館就係有咁嘅情況，搞到有啲陰影。魚嘅外皮微脆，肉質好滑嫩。搭配特製嘅酸味醬汁，魚嘅鮮味更加突出。仔細睇呢道菜原來鋪上咗唔少嘅肉碎，唔怪得湯頭咁鮮甜，額外可再加湯再滾住魚肉，酸辣開胃。🥥椰青 食泰國嘢最啱配椰青水，清涼解渴，冰凍仲解埋辣添，爽啊！
餐廳菜式非常豐富，正所謂有得揀先係老闆，今日小試牛刀，同朋友分別叫咗幾樣嘢食，個人比較鍾意食海鮮，所以主要想介紹呢2道菜俾大家🤭
🦐生蝦 6隻 $138
呢道生蝦選料新鮮，食落肉質鮮甜，搭配特製嘅醬汁，通常包括青檸汁同辣汁，味道好清新，保留咗蝦肉嘅原汁原味。如果唔怕少少苦，配埋附上嘅蒜片、辣椒同苦瓜食就更加一流！
🐟明爐烏頭 $228
呢道明爐烏頭有驚喜😛
烏頭魚經過明爐烤熟咗再上，唔使擔心食食吓仲發現有魚肉仍然係生。之前去九龍城頗出名嘅泰國菜館就係有咁嘅情況，搞到有啲陰影。
魚嘅外皮微脆，肉質好滑嫩。搭配特製嘅酸味醬汁，魚嘅鮮味更加突出。
仔細睇呢道菜原來鋪上咗唔少嘅肉碎，唔怪得湯頭咁鮮甜，額外可再加湯再滾住魚肉，酸辣開胃。
🥥椰青
食泰國嘢最啱配椰青水，清涼解渴，冰凍仲解埋辣添，爽啊！
张贴
