Med Chef (已結業)

CBD 最近非常火紅，有好多副產品都推出左，食物都越出越多，今次黎左呢間餐廳，廚司侍應都係後生仔女！食物款式唔算多，但都吸引左唔少客人。叫左班尼迪蛋銀鱈魚配白酒芥末汁伴香蔥薯泥，薯泥好有牛油香，好滑，鱈魚皮脆脆地，魚肉夠哂嫩滑！板燒頂級肉眼配阿根廷青醬伴烤菊芋蓉，肉眼偏薄，不過配埋青醬又出奇地夾，青醬幾惹味，唔似平時有陣臭青味。士多啤梨乳酪沙冰，解暑一流，唔會死甜！Pale ale，CBD會多少少，整體飲落會比平時苦d，有d熱情果香味。唔講唔知自己食咗CBD, 個人都無任何不良反應架！