影片
更多
2006-10-11
14 浏览
坊間有很多餐廳想逐一去KO,在晚市光顧,往往所費不菲,折衷方法,就係在午市入手.下午落老尖修修個頭,順手來個午飯,亦順手放肆一下,去壽司廣來個午膳.香港其中一間壽司店大Number之一.亦係小弟一直想前往的壽司店之一.差不多兩點去到,直行直入無難度,日籍男經理唔咸唔淡廣東話招呼,一個人坐吧檯最好,望住壽司師傅整壽司,好過自己同自己玩手指.以同級壽司店去比較,平均$120一客lunch set,標價已算平,老字號銀座貴50%,相信果五成係一攬無遺的無敵海景吧.有個九件裝,加卷物的壽司定食,包茶碗蒸,麵豉湯,前菜等等.在箱押壽司定食同此個定食二揀一,都係要這個.可能客人不多,數分鐘後,前菜同茶碗蒸上檯,茶碗蒸都係有銀杏,同魚肉,口感挺滑.一邊嗒著茶碗蒸,一邊望著前面壽司吧內,日籍師傅為我弄的壽司,只見師傅三兩下手勢,迅雷不及掩耳,很快將壽司奉上.用其半咸啖的廣東話慢慢食.)壽司set有玉子兩件,帆立貝卷,三文魚子,吞拿魚,吞拿魚碎,海膽,北寄貝,甜蝦,油金魚等等.單睇出場陣容,沒有阻頭阻勢的三文魚,戰鬥力突然升級.逐一講也有難度,雖然午市用的魚生,預料會用前一晚的賣剩蔗,不過也很新鮮.壽司
下午落老尖修修個頭,順手來個午飯,亦順手放肆一下,去壽司廣來個午膳.香港其中一間壽司店大Number之一.亦係小弟一直想前往的壽司店之一.
差不多兩點去到,直行直入無難度,日籍男經理唔咸唔淡廣東話招呼,一個人坐吧檯最好,望住壽司師傅整壽司,好過自己同自己玩手指.
以同級壽司店去比較,平均$120一客lunch set,標價已算平,老字號銀座貴50%,相信果五成係一攬無遺的無敵海景吧.有個九件裝,加卷物的壽司定食,包茶碗蒸,麵豉湯,前菜等等.在箱押壽司定食同此個定食二揀一,都係要這個.
可能客人不多,數分鐘後,前菜同茶碗蒸上檯,茶碗蒸都係有銀杏,同魚肉,口感挺滑.
一邊嗒著茶碗蒸,一邊望著前面壽司吧內,日籍師傅為我弄的壽司,只見師傅三兩下手勢,迅雷不及掩耳,很快將壽司奉上.用其半咸啖的廣東話慢慢食.)
壽司set有玉子兩件,帆立貝卷,三文魚子,吞拿魚,吞拿魚碎,海膽,北寄貝,甜蝦,油金魚等等.單睇出場陣容,沒有阻頭阻勢的三文魚,戰鬥力突然升級.
逐一講也有難度,雖然午市用的魚生,預料會用前一晚的賣剩蔗,不過也很新鮮.壽司飯握得結實,並不是死實的實.吞拿魚入口無渣,吞拿魚碎啄到成蓉,沒有粗糙的質感,感覺很滑,亦有鮮味,海膽甜到入心,並不像隔夜貨.玉子有蛋香,帆立貝鮮甜到帶有海水味.以$120一個lunch set去比,可話係物超所值.
來一碗恰到好處的麵豉湯,非常滿足.快上快落,仲快過吃迴轉壽司.
話就話久唔久一次,會營造一個美麗的距離,但樓上的鮨處松戶,相信會令我短期內,再搭足彩星.
總之,搵晚來大出血先,方為上策.
张贴
