Cambo ขุนทอง (The ONE)

餐厅：Cambo地点：尖沙咀The ONE菜式：泰越Fusion菜餐牌：Cambo Set 午餐有九款拣，有饭有炒河有汤粉有咖喱，价位由$68到$96不等，另收加一，配柠檬茶，奶茶，咖啡。冻咖啡另加$5，特饮另加$8。主餐牌有精选菜式，泰式酸辣沙律，泰式烧烤，明炉锅，海鲜，咖哩，冬荫，粉面饭，香脆小吃，蔬菜，甜品，饮品等。泰式去骨海南鸡全只 $238 另加一泰式去骨海南鸡全只原来系分开两碟上。 每碟都有齐髀胸同翼，连翼都去埋骨。鸡髀好嫩口，鸡皮滑溜。下底原来垫有唔少梛菜，伴有两片青瓜，面头有芫荽。另上两兜甜豉油同酸辣酱，令鸡肉味道更好。串烧沙嗲鸡牛猪配泰式炒饭连餐汤 $78 另加一串烧热辣辣，鸡肉无皮嫩滑，猪肉脆口啖啖肉，牛肉都好嫩，本身已经甜甜哋，点甜甜地既沙嗲酱超好味。泰式炒饭呈深咖啡色，味道有好丰富既酱油味。食落湿润唔干，超多豆角粒，带黎唔同口感，加埋少少辣椒同葱花炒，少少辣。餐汤 （跟餐） 餐汤系红萝卜清汤，加上芫荽，个汤少少咸，好饮。冻柠水（跟餐）冻柠水有三片柠檬，叫左走甜，都好饮。食物质素一如以往好唔错，餐厅位于大商场The ONE，位置就脚，装修正常，服务无问题。