幸福森林咖啡館（個名好台) 引起我去試吓
餐廳pet friendly而且cafe有專屬泊車位丫
啱晒放假想郊遊放鬆吓嘅感覺😌
（餐廳好多人建議book位先😂）
餐廳隔離係學校，所以家長接完小朋友放學過嚟嘆
係兩間小木屋嘅造型
一邊係沖咖啡同埋儲存蛋糕🍰
另外一邊就係餐廳嘅本體
餐廳雖然唔太大 但係彩光充足
感覺光猛舒服啊 有小旅行vibes 🤟🏻
見到隔離個班尼迪蛋配煙三文魚色彩繽紛 即刻引起左我哋興趣😂
3
（可以配煙三文魚/選擇巴拿馬火腿）
水波蛋好流心
荷蘭醬嘅味道亦恰到好處（唔會過甜又唔會太杰）
Muffin外面少少香脆帶點煙靭
配埋煙三文魚食好滿足😌
加埋沙律菜配意大利黑醋甜甜地更加開胃
另外要讚一讚芒果片好甜呀
再加$升級-凍香橙美式咖啡
（如果想杯咖啡濃味啲，佢都有extra shot 加$5嘅選擇丫）
我好鍾意呢個組合😊香橙汁嘅甜味配上黑咖啡嘅甘
我加多左個shot 所以咖啡味依然香濃😌
白酒忌廉藍青口
青口嘅份量都唔少🤟🏻
個忌廉好惹味😂配麵包一流，佢跟嗰兩塊小多士
我食完之後好想再加麵包不過仲有個意粉🍝😂驚食唔晒
蕃茄大蝦扁意粉
扁意粉軟硬適中再配埋不同嘅黃、紅椒蔬菜🥬一齊炒好豐富
而且蕃茄嘅酸甜度都好平均😊 食食吓發現其實份量都唔少
仲有配埋兩隻新鮮大蝦丫🍤
凍意大利芝士蛋糕咖啡
又extra 加多左個shot～去到邊都鍾意試呢杯咖啡
好飲又好食（順便食埋甜品🍮）😌
