影片
更多
2021-01-17
332 浏览
尋日真係不停食食食嘅一日，午餐食完一餐超高質嘅fusion素菜之後，過咗冇耐又同另一位朋友去咗旺角食呢個early dinner。感覺把口冇乜點停過，完全係一個好好利用weekend嘅一個方法。🐖西班牙煙火腿蜜瓜 $68火腿包住哈蜜瓜，火腿嘅鹹香，配埋哈蜜瓜嘅鮮甜，同時間感受到唔同味蕾嘅衝擊。有四大件火腿蜜瓜，隔離仲有啲沙律添。🦐西班牙海鮮飯 $168本身以為唔係好多海鮮，點知撥開啲飯之後先發現原來海鮮飯真係好足料，有鮮蝦、好多魚柳、青口同埋好大隻帆立貝。呢個海鮮飯嘅番茄味比較濃，都幾好食。🐷煙燻西班牙伊比利亞豬扒 $188店員一開始將豬扒拎上枱面，當店員將蓋著豬扒嘅蓋子拎開嘅時候，蓋子裏的煙霧即刻散出嚟，可以聞到香濃嘅煙燻味。豬扒好滑，有煙燻味道，仲有好多肉汁，最啱配搭埋薯蓉食。薯蓉好香好幼滑，我幾鍾意個薯蓉。🍫曲奇朱古力奶昔 $65呢個奶昔係用碗裝住嘅，好特別。香濃嘅朱古力沙冰，上面有一層厚厚嘅cream，加上有oreo碎同爆谷，成個奶昔就好似一份甜品咁，正。🍺液體麵包 $70menu寫以前啤酒係叫液體麵包，因為戰士行軍打仗時需長途跋涉，而啤酒唔容易變壞，所以成為咗他們當時嘅能量補
🐖西班牙煙火腿蜜瓜 $68
火腿包住哈蜜瓜，火腿嘅鹹香，配埋哈蜜瓜嘅鮮甜，同時間感受到唔同味蕾嘅衝擊。有四大件火腿蜜瓜，隔離仲有啲沙律添。
🦐西班牙海鮮飯 $168
本身以為唔係好多海鮮，點知撥開啲飯之後先發現原來海鮮飯真係好足料，有鮮蝦、好多魚柳、青口同埋好大隻帆立貝。呢個海鮮飯嘅番茄味比較濃，都幾好食。
🐷煙燻西班牙伊比利亞豬扒 $188
店員一開始將豬扒拎上枱面，當店員將蓋著豬扒嘅蓋子拎開嘅時候，蓋子裏的煙霧即刻散出嚟，可以聞到香濃嘅煙燻味。豬扒好滑，有煙燻味道，仲有好多肉汁，最啱配搭埋薯蓉食。薯蓉好香好幼滑，我幾鍾意個薯蓉。
🍫曲奇朱古力奶昔 $65
呢個奶昔係用碗裝住嘅，好特別。香濃嘅朱古力沙冰，上面有一層厚厚嘅cream，加上有oreo碎同爆谷，成個奶昔就好似一份甜品咁，正。
🍺液體麵包 $70
menu寫以前啤酒係叫液體麵包，因為戰士行軍打仗時需長途跋涉，而啤酒唔容易變壞，所以成為咗他們當時嘅能量補充品。為咗令啤酒更加易於保存，戰士在啤酒入面加入大量具防腐效果嘅啤酒花，因此液體麵包苦味較重，酒花風味更強。朋友見呢個幾得意，同埋店員話係香港製造嘅，所以就揀左呢個啦。
雖然係喺唔肚餓嘅狀態下進食，但竟然都食得曬所有野，仲要每樣野都唔細碟。真係唔變肥都唔得啦。
张贴
