影片
更多
2022-06-01
3719 浏览
因為疫情😷 卡拉ok被關閉多日！而家終於開返la~鍾意唱K嘅我梗係即刻約埋朋友一齊唱！🎤🎤平時我自己就好鍾意去RedMr唱K，因為佢哋啲房相比起某其他連鎖卡拉OK大，環境都比較舒適乾淨~🥰但係估唔到原來RedMr旗下仲有一間小Cafe都有得唱K！就係依間Cosmos🤩聽職員介紹返，依度主要係2-6人房多，而房間更有唔同顏色選擇(粉紅.粉藍.粉黃.粉綠)，有啲房就有落地玻璃窗，有啲房就有Netfilx睇，但係神奇嘅係每一間房都一定有得唱K！我同朋友都係第一次嚟，本身都仲諗緊Cafe有獨立房？Cafe有k唱？仲要包埋嘢食？係咪真係咁堅ar😂？今日雖然只係星期三，但係我哋行入房時，經過其他房時都隱約聽到👂🏻有好多人唱緊歌，睇嚟香港人真係抑壓情緒得太耐，所以個個都嚟唱K發泄😂🙈入到房第一件事梗係先觀察房間環境🤓因為我朋友有Netflix(唔似我係一隻寄生蟲🙊)，所以選擇咗有Netflix嘅房間~(不過到最後其實都冇睇過Netflix，因為俾我依個歌神收埋咗個遙控，朋友冇得轉睇Netflix，被逼同我不停唱歌唱歌同唱歌🎤，哈哈)坐低之後，職員就介紹番佢哋係用自助點餐形式，只要掃QR code就可
而家終於開返la~鍾意唱K嘅我梗係即刻約埋朋友一齊唱！🎤🎤
平時我自己就好鍾意去RedMr唱K，因為佢哋啲房相比起某其他連鎖卡拉OK大，環境都比較舒適乾淨~🥰
但係估唔到原來RedMr旗下仲有一間小Cafe都有得唱K！就係依間Cosmos🤩
聽職員介紹返，依度主要係2-6人房多，而房間更有唔同顏色選擇(粉紅.粉藍.粉黃.粉綠)，有啲房就有落地玻璃窗，有啲房就有Netfilx睇，但係神奇嘅係每一間房都一定有得唱K！
我同朋友都係第一次嚟，本身都仲諗緊Cafe有獨立房？Cafe有k唱？仲要包埋嘢食？係咪真係咁堅ar😂？
今日雖然只係星期三，但係我哋行入房時，經過其他房時都隱約聽到👂🏻有好多人唱緊歌，睇嚟香港人真係抑壓情緒得太耐，所以個個都嚟唱K發泄😂🙈
入到房第一件事梗係先觀察房間環境🤓因為我朋友有Netflix(唔似我係一隻寄生蟲🙊)，所以選擇咗有Netflix嘅房間~(不過到最後其實都冇睇過Netflix，因為俾我依個歌神收埋咗個遙控，朋友冇得轉睇Netflix，被逼同我不停唱歌唱歌同唱歌🎤，哈哈)
坐低之後，職員就介紹番佢哋係用自助點餐形式，只要掃QR code就可以去到落單版面~今日我哋就嗌左兩個主食同埋兩款小食，一路食一路唱🤩🤩
我點嘅係黑松露蒜香奶油雞髀肉意大利粉
佢啲奶油醬真係一流！超級超級creamy！啲雞髀肉仲要件件都咁大舊(重點係無筋無骨)，認真啖啖肉
黑松露蒜香奶油雞髀肉意大利粉
$109
63 浏览
1 赞好
0 留言
好味指數:
我朋友點嘅係博多叉燒玉子濃厚豚骨湯拉麵🍜
淨賣相已經覺得碗麵好豐富，料好多，嗰3塊叉燒同我手心一樣大，厚度啱啱好，唔會好似出面啲拉麵店咁薄到似張紙會飄走💨
另外佢個湯底非常濃郁，每啖湯都好似飲緊骨膠原咁
博多叉燒玉子濃厚豚骨湯拉麵
$108
60 浏览
1 赞好
0 留言
好味指數:
第一款小食嗌咗西班牙炸小油條，朱古力醬
會選擇呢款小食係因為個名夠盞鬼😂
呢款小食有玉桂味，再配搭朱古力醬，兩隻味加埋出奇地夾！有驚喜，鍾意玉桂味嘅朋友可以試吓~
西班牙炸小油條，朱古力醬
$68
59 浏览
0 赞好
0 留言
好味指數:
另一款小食就嗌左韓式熔岩芝士煙肉薯條🍟
聽個名就知道超級重口味，絕對係增磅之選
但係真係受唔住芝士同煙肉嘅誘惑，仲要兩者mixer一齊，唔試吓真係對唔住自己！
薯條上面有超多溶過嘅芝士，芝士上面又有超多嘅煙肉粒🤤簡直係將普通嘅炸薯條帶到另一個境界！
芝士+煙肉+薯條=宵夜世一
韓式熔岩芝士煙肉薯條🍟
$82
78 浏览
0 赞好
0 留言
好味指數:
飲嘢方面就同朋友嗌左咗蝶豆花特飲~味道酸酸甜甜幾開胃解膩，之後再嗌2杯1664 chill一chill唱到攰，同朋友飲啤酒食薯條🍟，再點歌嚟聽吓，睇吓型男MV，真係好爽下😂😂
食飽唱夠之後就梗係埋單走人(打工仔的我明天還要上班)
因為職員講過有落地玻璃窗房，所以臨走前我都叫職員帶我去睇吓，下次嚟就可以試吓落地玻璃窗房🤪
其實房間空間感都好大，落地玻璃窗完全增加左視覺效果。相信陽光普照嘅中午日子，坐房食返個飯，聽吓歌唱吓歌，都係人生一大樂事~
以上所有嘢加埋，今日嘅體驗非常之滿意！
我相信我會好快有下一次
张贴
