Burger's Friend Forever (MONTEREY Place) (已結業)

雖然burger好肥，但我間吾中就會好想食，最近見到依間餐廳岩岩開，又比佢啲burger吸引咗。依間burger餐廳有別於其他，佢除咗burger之外，仲有好多款小食同埋意粉。水牛城雞肉漢堡🍔個漢堡嚟到既時候真係好吸引，因為塊雞扒超級大塊，除咗個漢堡入面有之後，連外面都有半塊。雞扒煎得幾好，好juicy。同埋依間既漢堡既擺位都好得意，啲芝士係會痴係啲料度，之後上面個塊包係會放係側邊。和牛漢堡🍔依個漢堡既賣相無水牛城咁靚，而且望落都吾係好多料，但係個味道就贏咗，因為塊和牛好厚身，而且好juicy，有牛味。正正因為個漢堡吾係好多料，個少少既菜苗令到成個包都好fresh，突岀到啲牛既味道。芝士粒🧀依個芝士粒係加20蚊將一個包轉餐，咁就會3粒係跟餐，佢比我想像中好食，因為入面啲芝士好多，好有拉絲既感覺。