Lucky Smash (已結業)

今日行開荃灣。不經不覺到咗午餐時間。荃灣享和道不嬲都多嘢食。咁今日又嚟呢到搵食啦。嚟遠已經比紅色嘅門面吸睛咗。望入去原來係賣burger,而且只限外賣。見佢keep住都咁多人買。我都入去睇下先。最後拍板叫咗1號餐。雙層芝士牛肉漢堡配薯條汽水。落咗單之後。店員會即場製作。店內員工製作burger嘅地方夠大。而且每樣用料都會用蓋蓋好，令食客覺得乾淨衛生。唔洗等太耐大約5分鐘左右。就拎到個包同薯條上手。而汽水就自己係汽水櫃到拎。由於係外賣嘅關係。我行咗去海邊一路食一路望下個海，chill下。好彩我坐低嘅時候個包同薯條仲熱辣辣。一拎個包出嚟已經聞到香味。牛肉咬落去仲要勁juice。而且仲多到滴咗出嚟😆牛肉勁鬆軟。芝士味濃。包烘得夠熱。個Burger我會俾96.78分薯條方面。都係熱辣辣。而且店員好似唔洗錢咁比左4包茄汁我添😆雖然係食快餐，但有時好似今日咁坐係海邊食下嘢都係一個好嘅選擇。