Burger's Friend Forever (已結業)

依家漢堡包店係新開嘅分店，喺新世紀廣場foodCourt入面，主店喺將軍澳海旁附近，覺得將軍澳比較遠就可以去旺角試吓！店內有大約10款選擇，款款都非常吸引，今次就試咗佢哋嘅至尊漢堡同埋漁夫之寶，兩個都好正好好食！首先講吓至尊漢堡，佢有兩塊好厚嘅手打牛肉夾喺入面，熱辣辣好多肉汁！！！一咬原來入面仲有塊流心蛋，蛋漿配埋啲肉汁真係頂呱呱，超正！另外個魚漢堡又係出色嘅，魚塊都幾厚，配埋個塔塔醬、蕃茄同芝士，真係想食多次！不過洋蔥略嫌有少少生，我中意食熟啲😋呢間啲薯條算粗身，無論係薯格定係薯條都好好食，好香脆架🤩