Hero's Friday (已結業)

前排去咗朋友介紹嘅 Hero's Friday，是100%純牛肉手工漢堡，這裡是burger 外賣店，沒有堂食。依度有好多不同款選擇，還有全香港首創嘅 PANGER班堡，啲款式都好特別，就品嚐下依間店啲漢堡啦。我哋買咗全日漢堡及經典漢堡，套餐配薯條同汽水。全日漢堡    $90這個是雙層芝士漢堡，每塊牛肉都好厚，牛味香濃，肉質鮮嫩，充滿肉汁，一路食一路流，亦有相當牛味。而芝士份量都不少，每一啖都有好香嘅芝味，煙肉香脆，新鮮翠綠的蕃茄生菜，爽脆，加埋厚厚漢堡扒，層次豐富，非常好味！經典漢堡    $60單層漢堡同樣吸引，這經典漢堡牛肉極厚，鬆軟且juicy多汁，牛味濃郁突出，漢堡包好鬆軟。另外，加咗唔少芝士及千島醬，仲有蕃茄同生菜，亦是滋味的漢堡。兩個餐嘅薯條和薯餅同樣脆卜卜，Size為粗薯條，薯餅大大塊，新鮮炸起，熱辣香脆，就咁食或者點茄汁食一樣咁好食。食burger一定要加返杯凍飲，汽水都好夾架，冰凍爽口，唔錯呀。清香的熱檸水，解膩解喝。