我與別人有點不同，第一樣吸引我既係甜品～哈哈！！
經過時岩岩出爐，所以即刻就拎１個返位食
梳孚厘
微焦既表面有陣香香既氣味慢慢咁飄散，
一啖食落去好有空氣感，少少甜更加帶出蛋白既香味
蝴蝶酥
又酥又脆既蝴蝶酥係口中翩翩起舞，外邊有層砂糖包住，甜甜既感覺令人覺得幸福
椰絲批
清甜既感覺，唔係甜到膩，而且軟滑既蛋糕配上有口感既椰絲，有清新既感覺
經過熟食區
羊架
岩岩烤出黎既羊架有陣香草味吸引住食慾，
軟軟既肉質，鎖住滿口既肉汁，有少少羊騷味，令人引起獸性，大口大口咬落去，可以拎完再拎
白汁三文魚
唔腥，醬汁包裹著肉質唔算鞋口。
到刺身區，即叫即切
厚切既油甘魚，油香透過口中既熱力更加擴散，令我再去拎多一份
牡丹蝦爽口鮮甜，啜埋啖甘甘既蝦頭膏，更令人回甘
三文魚都係厚切，好肥美
唔單之有刺身，仲有各類火腿同芝士
自助餐竟然有老火湯，足料既湯料，令整碗湯意猶未盡，真係好正，大家一定要飲返幾碗
仲有新鮮海鮮，同行既友人就主攻呢Ｄ，真係食左好多轉，
重點係肉質彈牙，又有鮮味
熟食區見到呢個大大既芝士，一定想食份芝士意粉，都係即叫即整，熱辣辣既芝士香味，真係好好味，芝士好香濃！！
最令友人驚喜既係有玻璃樽汽水，我就被乳酪所吸引
其實一入到去就被呢個雪糕凍櫃所吸引，有好多款雪糕，仲有我喜歡既牌子，
我最終係食左２款架
好滿足！！
首尾都要食甜品，我差不多將所有甜品都拎晒，整體黎講蛋糕類真係好出色，就連馬卡龍都唔錯，唔會太甜
在場仲會有新鮮搾的蘋果、雪梨、西芹汁
