Walter Bistro (智選假日酒店) (已結業)

呢日同媽咪係觀塘行完街，諗住搵個舒服地方慢慢坐慢慢食。見觀塘智選假日Walter bistro做緊半自助午餐，即刻打去查詢，接線同事亦都好好禮貌即刻為我哋留枱。我哋到達時餐廳仲未開門，當時門口已經有幾枱客等緊，開門後職員安排入座同量體溫等既速度都算快。如果唔想食主菜，亦可以$118選擇自助沙律吧等等。而當日我就揀咗黑松露鮮蝦炒飯。炒飯只有兩隻大蝦，飯粒不夠乾身，黑松露味道頗重。buffet方面，有至少四至五款沙律菜可供選擇。熱葷不多，只有大概六、七款。甜品種類豐富，但味道層次較低，最好味可能係熱食既焦糖布甸。整體黎講比其他酒店或工業大廈中既semi buffet略遜，但勝在價錢唔算太貴，算係可以接受。另外職員會提醒忘記戴口罩既客人要戴返先可以出去拎嘢食，但有客人繼續拎食物，當日亦唔見職員再次提醒。