影片
更多
2007-12-17
12 浏览
以前都黎過一次lobby lounge食dessert buffet,對呢度既環境，食物同服務印象都幾好!前晚老細請食飯,一眾同事想食buffet,見呢度評價好好,就揀呢度!平日夜晚未夠七點黎到已經full house,望茖都幾多一家大細或者一班朋友黎，可見呢度確係幾受歡迎！好彩位set得唔算逼，都坐得幾舒服.本身其實唔多喜歡食buffet,但呢度食物的確幾有水準，總算冇令我地失望：沙律：淨係菜都有好幾款，全部都係貴價既iceberg,romaine lettuce, sprouts, red onion等等，可見用料上乘，dressing選擇亦多，blue cheese sauce 幾正，caesar salad可以另加Parmesan, croutons同bacon好味！仲有隻泰式墨魚粉絲沙律都幾好！starter:有cheese platter, salami等cold cut, smoked salmon, grilled vegetables (red pepper, eggplant, yellow pepper, etc)，淨係食左smoked salmon，好香濃好正！
平日夜晚未夠七點黎到已經full house,望茖都幾多一家大細或者一班朋友黎，可見呢度確係幾受歡迎！好彩位set得唔算逼，都坐得幾舒服.本身其實唔多喜歡食buffet,但呢度食物的確幾有水準，總算冇令我地失望：
沙律：淨係菜都有好幾款，全部都係貴價既iceberg,romaine lettuce, sprouts, red onion等等，可見用料上乘，dressing選擇亦多，blue cheese sauce 幾正，caesar salad可以另加Parmesan, croutons同bacon好味！仲有隻泰式墨魚粉絲沙律都幾好！
starter:有cheese platter, salami等cold cut, smoked salmon, grilled vegetables (red pepper, eggplant, yellow pepper, etc)，淨係食左smoked salmon，好香濃好正！！正過魚生多多聲
海鮮：好掂！凍龍蝦、琵琶蝦同青口都很新鮮又啖啖啖肉，長蟹腳就一向麻麻，只試左一隻，一般啦，生蠔有較creamy既美國肥仔蠔同較瘦但爽脆既法國蠔，個人較喜歡法國蠔，很鮮甜，正！
刺身壽司：意外地相當一般，刺身得三文，吞拿，八爪魚同赤貝，全部都麻麻，尤其三文真係幾差，壽司更係一夾即爛，唔掂！呢度仲要排隊攞，建議可以唔食！
熱盤：比較弱既一環，款式唔多，幾款咖喱（有隻咖喱雞幾香），中西式熱盤各幾款，都係蝦雞牛羊雜菜，一般啦！比較特別係有上海炒年糕同反沙芋，呢兩個又幾好味喎！燒味唔好，冇食，同事話海南雞幾正，燒牛肉都冇食，好似都唔錯，仲有個淥海鮮粉麵檔
甜品：自己唔係特別好甜品，除左cheesecake,不過好多同事都對呢度既甜品期望甚殷，款式亦唔少，但有少少失望得一隻硬身cheesecake,可幸味道香濃，十分有水準，其他蛋糕都有好幾款，食左choco cake(幾好，上面係mousse下層似brownie），粟米creme brulee(唔覺得似creme brulee,唔係好甜，最好食係面層有塊脆脆地既焦糖），tiramisu(一般，都係鍾意cova buffet盤裝既）,士多啤梨千層酥（同事話一般），蘋果批（同事話正），野莓果凍（又靚又好味！），即製pancake，mango pudding, 朱古力puff, 綠茶奶凍, halzenut mousse, 生果等等等等，應該可以滿足一眾愛甜人士，個人覺得水準比tiffin有過之而無不及
埋單老細請，每人未計加一$308，唔平但以食物同環境計係物有所值，尤其喜歡食海鮮和甜品既朋友更係值得一試.........
张贴